Сарбози қатории Гвардияи миллии Тоҷикистон, зодаи шаҳри Истаравшани вилояти Суғд Асадулло Пӯлодов, ки дар ноҳияи Рашт адои хизмат мекард, зимни посбонӣ аз аслиҳаи сабтшуда ба номаш худро паррондааст.
Дар хадамоти матбуоти Гвардияи миллии Тоҷикистон ба «Азия-Плюс» ин хабарро тасдиқ намуда, изҳор доштанд, ки тибқи маълумоти пешакӣ, ин амал аз беэҳтиётии сарбоз сурат гирифтааст.
Ба иттилои манбаъ, аз рӯи ин далел парвнадаи ҷиноӣ боз шуда, прокуратураи ҳарбии гарнизони Рашт ба таҳқиқи ҳодиса машғул аст.
Зимнан зикр гардид, ки ҷасади сарбози ҳалокшуда ба наздиконаш дода шуда, имрӯз дар шаҳри Истаравшан ба хок супурда мешавад.
