Рӯзи 29-уми октябри ҳафтаи равон дар назди бозори «Корвон»-и пойтахт садамаи нақлиёт ба вуқӯъ пайваст.
Бино ба маълумоти маркази матбуоти ВКД ҶТ, ронандаи автомашинаи ВАЗ-2106, Мурод Ҳусейнови 50-сола, сокини шаҳри Душанбе ҳангоми ҳаракат аз самти бозори «Корвон» ба самти дидбонгоҳи Чимтеппа, дар назди деҳаи Гулпарвари ҷамоати деҳаи Чимтеппа, аз ӯҳдаи идора кардани воситаи нақлиёт набаромада, пиёдагарди ноболиғ Таманои Илҳомҷон, хонандаи синфи 4-уми литсеи №6-и шаҳри Душанберо пахш намудааст.
Гуфта мешавад, дар натиҷа ноболиғ Таманои Илҳомҷон ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.
