Дар шаҳри Сеул Президенти Ҷумҳурии Тоҷикистон Эмомалӣ Раҳмон бо Раиси Парлумони Ҷумҳурии Корея Чон Йихва мулоқот намуд.
Бино ба иттилои хадамоти матбуоти сарвари давлат, дар вохӯрӣ масоили вобаста ба рушди робитаҳои судбахши Тоҷикистон, аз ҷумла тавассути ба роҳ мондани робитаҳои байнипарлумонӣ баррасӣ шуд.
Гуфта мешавад, аз он, ки робитаҳои ду кишвар рӯй ба рушди босубот оварда, дорои дурнамои накӯ шудаанд, изҳори хушнудӣ карда шуд.
Зимнан зикр мегардад, ки ҳарду ҷониб омодагӣ ва ҳавасмандии амиқи худро ба густариши робитаҳо таъкид доштанд.
