Ба муносибати таҷлили 70-солагии Ҷанги Бузурги Ватанӣ устоди Донишгоҳи давлатии Хуҷанд ба номи академик Бобоҷон Ғафуров Шариф Аҳмадов китоби нави худро таҳти унвони «Саҳми Тоҷикистон дар фронт ва ақибгоҳ» ба нашр расонд.
Бино ба иттилои хадамоти матбуоти раиси вилояти Суғд, китоб асосан дар бораи Ҷанги Бузурги Ватанӣ ва саҳми ҷанговарони Тоҷикистон дар он қисса мекунад.
Зикр мегардад, ки Шариф Аҳмадов муаллифи зиёда аз 15 монография ва 400 номгӯи асарҳои илмӣ- назариявӣ мебошад. Ба қалами ӯ асарҳои методӣ аз ҷумла «500 саволу ҷавоб аз таърихи дунёи қадим» (2004), «1000 саволу ҷавоб аз таърихи асарҳои миёна» (2005), «1000 саволу ҷавоб аз таърихи нави мамлакатҳои Аврупо ва Амрико» (2006), «1300 саволу ҷавоб аз таърихи навтарини Аврупо ва Амрико» (2008), «500 саволу ҷавоб аз таърихи нави мамлакатҳои Осиё ва Африко» ва ғайраҳо мансуб аст.
