Бо мусоидати сафоратҳои Тоҷикистон дар Шоҳигарии Арабистони Саудӣ, Давлати Қатар, Амороти Муттаҳидаи Араб ва Консулгарии генералии Тоҷикистон дар Дубай 16 нафар шаҳрвандонии Тоҷикистон тавассути роҳи заминӣ аз Ҷумҳурии Яман ба воситаи ҳудуди Салтанати Умон ба Амороти Муттаҳидаи Араб ворид шуданд.
Бино ба маълуомти департаменти иттилооти Вазорати корҳои хориҷии ҶТ, онҳо 16 апрели соли 2015 бо хатсайри Дубай-Душанбеи ширкати ҳавопаймоии «Сомон Эйр» ба Тоҷикистон баргаштанд.
Гуфта мешавад, ҳоло намояндагиҳои дипломатию консулии Ҷумҳурии Тоҷикистон дар кишварҳои араб ҷиҳати баровардани шаҳрвандони боқимондаи Тоҷикистон аз Яман чораҳои зарурӣ меандешанд.
Қаблан аз Вазорати корҳои хориҷии ҶТ иттилоъ дода буданд, ки рӯзи 12 апрели соли ҷорӣ
боз 29 нафар шаҳрванди Тоҷикистон
бо ду ҳавопаймои русӣ аз Ҷумҳурии Яман берун бароварда шуданд.
Қобили зикр аст, ки даҳаи аввали моҳи апрел Кумитаи ҳолатҳои фавқулодаи Русия барои
аз қаламрави Яман берун баровардани 130 нафар шаҳрвандони Тоҷикистон
, ки бо оилаҳои худ дар ин кишвар кору зиндагӣ мекарданд, мусоидат намуд.
