Академияи иҷрои ҷазои ҷиноятии назди Вазорати корҳои дохилии Қазоқистон ҳамасола аз ҳисоби худ барои Сарраёсати иҷрои ҷазои ҷиноятии Вазорати адлияи Тоҷикистон мутахассис омода мекунад.
Тавре як манбаъ аз Вазорати адлияи ҶТ ба «Азия-Плюс» дар ин робита иттилоъ дод, чанде қабл дар Душанбе вазири адлияи Тоҷикистон Рустам Шоҳмурод ва вазири корҳои дохилии Қазоқистон Калмуҳанбет Қосимов созишномаи дахлдори байниҳукуматӣ дар ин хусусро ба имзо расонидаанд.
Ба иттилои манбаъ, хоҳишмандони таҳсил дар Академияи зикршудаи Қазоқистон аз ҳисоби шаҳрвандони Тоҷикистон имтиҳонҳоро дар Душанбе супорида, пас аз дастрасии натиҷаҳои қаноатбахш барои таҳсил ба Қазоқистн фиристода мешаванд.
