Вакилони палатаи поёнии парлумони Тоҷикистон, ки аз 8 то 18 сентябр бо сафари корӣ дар минтақаҳо қарор доштанд, аз натиҷаҳои ин сафарашон ба раиси Маҷлиси намояндагони Маҷлиси олии ҷумҳурӣ Шукурҷон Зуҳуров ҳисобот медиҳанд.
Котиби матбуотии палатаи поёнии парлумони кишвар Муҳаммадато Султонов ба «Азия-Плюс» дар ин робита иттилоъ дод, ки дар гузоришҳои худ вакилон ба масоили марбут ба ташвишҳои аҳолӣ ва мушкилоти рӯзмарраи ҷойдоштаи онҳо таваҷҷуҳ зоҳир намуда, онро то ба самъи раҳбарият мерасонанд.
«Бар асоси ин ҳисобот ба унвони ҳукумати кишвар маълумотномаи ягона таҳия хоҳад шуд, ки дар он ҳамаи масоили мавриди таваҷҷуҳи интихобкунандагон дарҷ мешавад», – таъкид дошт М.Султонов.
Зимнан зикр гардид, ки дар кумита ва комиссияҳои палатаи поёнии парлумон корҳои омодагӣ ба таҳияи рӯзномаи ҷаласаи нахустини иҷлосияи дуюми Маҷлиси намояндагони Маҷлиси Олии Тоҷикистион ҷараён дорад, ки рӯзи 1 октябр дар Душанбе доир мегардад.
