Зимни адои маросими ҳаҷҷи имсола дар макони муқаддасти ислом ду тан аз зоирини тоҷик фавтиданд.
Бино ба маълумоти Кумита оид ба корҳои дини Тоҷикистон, дар рӯзҳои ахири адои маносики ҳаҷ бар асари бемории қалб сокини 66-солаи шаҳри Турсунзода Тоҷиева Гулсара ва сокини 51-солаи ноҳияи Шоҳмансури шаҳри Душанбе Норова Соҷида аз олам даргузаштаанд.
Роҳбарияти Кумита оид ба корҳои дин, танзими анъана ва ҷашну маросимҳои милллии назди ҳукумати Тоҷикистон ва ситоди “Ҳаҷ-2015” ба наздикону пайвандони фавтидагон изҳори тасаллият ва ҳамдардии амиқи худро баён медорад.
Қобили зикр аст, ки аз
ду ҳодисаи фоҷеабор дар мавсими ҳаҷи имсола
, ки ба марги зоирони зиёд аз мамолики гуногун боис гардид, аз ҳоҷиёни Тоҷикистон касе осеб надид.
Ёдрас мекунем, ки соли равон 6,2 ҳазор нафар тоҷикистониён барои адои маросими ҳаҷ ба макони муқаддаси ислом раҳсипор гардиданд.
