Бо қарори раиси шаҳри Душанбе Маҳмадсаид Убайдуллоев директори Муассисаи давлатии «Душанбе-Плаза» иваз карда шуд.
Тавре ба «Азия-Плюс» як манбаъ аз мақомоти шаҳрдории Душанбе дар ин робита иттилоъ дод, ба ҷойи директори қаблии корхона Рафиқа Мӯсоева собиқ директори Муассисаи давлатии шабакаи гармдиҳандаи шаҳри Душанбе Аъзам Табаров директори МД «Душанбе-Плаза» таъин гардид.
Дар навбати худ корманди дастгоҳи раиси ноҳияи Синои пойтахт Муҳаммад Ятимов директори нави Муассисаи давлатии шабакаи гармдиҳандаи шаҳри Душанбе таъин карда шудааст.
