Рӯзи 17 декабр дар кӯчаи Алишери Навоии пойтахт кормандони милиса ба гумони даст доштан дар муомилоти ғайриқонунии маводи мухаддир сокини 27-солаи шаҳри Ваҳдатро боздошт намуданд.
Бино ба иттилои маркази матбуоти ВКД Тоҷикистон, ҳангоми кофтукови шахсӣ аз борхалтаи ӯ 12 килою 655 грамм маводи нашъадори навъи ҳашиш дарёфт ва мусодира карда шудааст.
Гуфта мешавад, аз рӯи ин ҳодиса парвандаи ҷиноятӣ оғоз гардида, тафтишот дар ин самт идома дорад.
