Вазири корҳои хориҷии Эрон Муҳаммад Ҷавод Зариф ахири ҳафтаи сипаришуда сафири Тоҷикистон дар Ҷумҳурии Исломии Эрон Неъматулло Эмомзодаро ба ҳузур пазируфт.
Бино ба иттилои Вазорати корҳои хориҷии ҷумҳурӣ, зимни суҳбат масъалаҳои вобаста ба ҳамкориҳои дуҷониба, рафти иҷрои созишномаҳо, таҳаввулоти минтақавӣ ва масъалаҳои мубрами ҳамкориҳои Тоҷикистону Эрон мавриди табодули афкори ҷонибҳо гардид.
Гуфта мешавад, ҳамчунин сафири Тоҷикистон доир ба вазъияти робитаи дуҷонибаи Тоҷикистону Эрон ибрози назар намуда, рушду инкишофи бештари ҳамкориҳои иқтисодию тиҷоратии байни кишварҳоро таъкид кард.
