Раҳбарияти Бонки миллии Тоҷикистон (БМТ) аҳолиро ба эҳтирому арҷи бештар гузоштан ба арзи миллӣ – сомонӣ даъват мекунад.
Бино ба
иттилои
хадамоти матбуоти БМТ, муовини раиси Бонки миллӣ Сироҷиддин Икромов аз кормандони бонк даъват намудааст, ки дар мавриди эҳтиром ва арҷ гузоштан ба пули миллӣ – сомонӣ дар миёни оммаи васеи мардум корҳои фаҳмондадиҳиро бештар ба роҳ монанд.
«Пули миллӣ на танҳо воситаи муомилот, балки яке аз рамзҳои давлатдорӣ мебошад. Эҳтиром ба пули миллӣ – эҳтиром гузоштан ба давлату миллат аст, – изҳор намудааст ӯ.
Қаблан раҳбарияти БМТ изҳор дошта буд, ки барои таъмини мақоми шоистаи пули миллӣ ҳамчун воситаи ягонаи муомилот ва пардохт дар қаламрави Тоҷикистон тадбирҳо андешида хоҳанд шуд.
Дар Бонки миллӣ бар ин назаранд, ки чунин иқдомҳо ба устувор шудани мақоми арзи миллии ҷумҳурӣ мусоидат мекунанд.
