Тибқи маълумоти ғайрирасмӣ, дар минтақаи ҷануби Тоҷикистон директори осорхонаи давлатии вилояти Хатлон «Авасто» Насриддин Каримов боздошт шудааст.
Дар мақомоти ҳифзи ҳуқуқ аз шарҳи боздошти директори осорхона худдорӣ мекунанд.
Бино ба маълумоти як манбаъи «Азия-Плюс», Н.Каримов ҳанӯз то таҷлили ҷашни Наврӯз боздошт шуда, вале сабабҳои боздошти ӯ маълум нест.
Дар Раёсати фарҳанги вилояти Хатлон дар ин робита иттилоъ доданд, ки аз боздошти директори осорхонаи вилоятӣ баъди рӯзҳои истироҳати дарозмуддати ҷашни Наврӯз, вақте ки ӯ ба кор набаромадааст, огоҳ шудаанд, лекин онҳо ҳам аз сабабҳои боздошти Н.Каримов маълумот надоранд.
