Муддати ду соли наздик ҳукумати Олмон баҳри рушди бахши иҷтимоии Тоҷикистон ба сифати грант 54,5 млн. евро маблағ ҷудо мекунад.
Зимни суханронӣ дар ҷаласаи палатаи поёнии парлумон вазири рушди иқтисод ва савдои ҷумҳурӣ Неъматулло Ҳикматуллозода дар ин робита изҳор намуд, ки маблағи мазкур асосан ба беҳбуди вазъ дар бахши тандурустӣ, рушди минтақаҳо, бахши хусусии иқтисоди миллӣ ва сохтмони манзили дастрас равона мегардад.
«Ин маблағ дар доираи амалисозии Созишнома миёни ҳукумати Тоҷикистон ва ҳукумати Олмон оид ба ҳамкории молиявӣ ва техникӣ, ки 11 феврали соли равон ба имзо расида буд, давоми солҳои 2016-2017 ҷудо мегардад», – қайд кард вазир.
