Ҷаласаи навбатии 49-уми Шӯрои электроэнергетикии Иттиҳоди Давлатҳои Мустақил имрӯз дар Душанбе ба кор шурӯъ кард.
Тавре хадамоти матбуоти Кумитаи иҷроияи ИДМ иттидоъ медиҳад, иштирокдорони ҷаласа масоили баргузории мониторинги истифода дар фаъолияти низомҳои энергетикиро бараасӣ карда, аз кори низомҳои энергетикии кишварҳои узви Иттиҳод дар мавсими тирамоҳу зимистони солҳои 2015-2016 натиҷагирӣ мекунанд.
Ба иттилои манбаъ, дар ҷаласа баррасии масъалаҳои таҷрибаи Молдова оид ба коҳиши талафоти нерӯи барқ дар шабакаҳои интиқоли низоми энергетикӣ, техникаи бехатарӣ зимни истифодаи таҷҳизоту дастгоҳҳои барқӣ, санҷиши омодагии корхонаҳои бахши энергетикии кишварҳо ба мавсими ояндаи тирамоҳу зимистон, таҳияи асноди меъёрии техникӣ дар соҳаи метрологияи андозагириҳои электрикӣ ва баҳисобгирии нерӯи барқ дар назар аст.
Гуфта мешавад, доир ба ҳамкориҳо дар доираи Шӯрои мазкур ва дар доираи Комиссияи иқтисодӣ ва иҷтимоии СММ барои Осиёи ва Уқёнуси Ором барои солҳои2016-2018 ва чорабиниҳои Шӯрои электроэнергетикии ИДМ дар соли 2017 табодули назар сурат мегирад.
