Аз 1 июл то 5 августи соли ҷорӣ танҳо тариқи гузаргоҳи гумрукии Фурудгоҳи байнулмилалии Душанбе ба Тоҷикистон 58 килову 284,6 грамм маснӯоти заргарӣ ворид шудааст.
Бино ба маълумоти дафтари матбуоти Хадамоти гумруки назди ҳукумати ҶТ, маблағи умумии боҷи ҷамъоваришуда барои анҷом додани расмиёти гумрукӣ аз воридоти ин ҷавоҳирот 552 ҳазору 180 сомониро ташкил додааст.
Ёдрас мекунем, ки охири моҳи июн вакилони палатаи поёнии парлумон аз тағйироту иловаҳои аз ҷониби президенти мамлакат пешниҳодшуда ба қонун «Дар бораи Буҷети давлатии Тоҷикистон барои соли 2016»
ҷонибдорӣ намуд
а, мутобиқи он маснӯоти заргарии аз хориҷи кишвар воридшуда аз пардохти андозҳо ба арзиши иловашуда, аксиз ва боҷи гумрукӣ озод карда шуданд.
Тадбири мазкур, ба андешаи муовини аввали вазири молияи ҷумҳурӣ Ҷамшед Каримзода, ба пешгирии қочоқи воридоти маснӯоти заргарӣ ба кишвар, муомилоти коррупсионӣ дар ин самт, ҳимояи бозор аз маснӯоти пастсифати заргарӣ ва аз байн бурдани бозорҳои пасипардагии савдои ҷавоҳирот нигаронида шудааст.
