Зодаи Тоҷикистон Карина Комил (Шарипова)-и 25-сола дар озмуни зебоии
Miss Union 2016
иштирок мекунад, ки даври хотимавии он 20 август дар пойтахти Озарбойҷон – шаҳри Боку доир мегардад.
Карина Комил
дар Душанбе ба дунё омада, вақти хатми мактаби миёна оилаашон ба Русия мекӯчад. Айни замон ӯ дар шаҳри Маскав иқомат дошта, дар факултаи ҳуқуқшиносӣ таҳсил мекунад.
Дар барномаи озмун Карина бо сарулибоси миллӣ бо забони тоҷикӣ суруд хонда, кӯшиш хоҳад кард, ки тамоми зебогии фарҳанги тоҷиконро ба маърази тамошо гузорад.
Дар сомонаи озмун зикр мегардад, ки Карина ҳаёти худро бидуни саҳна тасаввур карда наметавонад. Ӯ ба таври касбӣ аллакай мустақилона ба сурудхонӣ машғул аст.
Гуфта мешавад, ҳадаф аз баргузории озмуни Miss Union дар Боку кумак ба гирифторон бемории саратон буда, 30%-и воситаҳои ҷамъоваришуда аз ин чорабинӣ барои муолиҷаи эҳтиёҷмандон равона мегардад.
Қобили зикр аст, ки Карина Комил ҳамчунин
иштирокчии
шоу-барномаи маъруфи русиягии «Дом-2» низ мебошад.
