Мақомоти ҳифзи ҳуқуқи Тоҷикистон мегӯянд, шаҳрванди Тоҷикистон, ки бо миқдори зиёди маводи мухаддири сахттаъсири героин дар марзи гумрукии Озарбойҷон дастгир шуда буд, аъзои Ҳизби фаъолияташ манъшудаи наҳзати исломии Тоҷикистон мебошад.
Тавре дар маълумоти мақомоти ҳифзи ҳуқуқи Тоҷикистон зикр мегардад, Муҳаммадҷон Исмоилови 31-сола, сокини шаҳраки Қалъаи Ҳисори ноҳияи Ҳисор аъзои ҲНИТ буда, се моҳ пеш ба Эрон рафтаааст ва он ҷо дар яке аз ширкатҳои байналмилалии автомобилӣ ба кор даромада, бо дарёфти маводи мухаддир дар Эрон, барои фурӯш ба маблағи 3 млн. доллари ИМА онро ба Озарбойҷон интиқол доданӣ шудааст, вале аз ҷониби кормандони Кумитаи давлатии гумруки Озарбойҷон бо 141 кило героин дастгир мешавад.
Ёдрас мекунем, ки нимаи моҳи август як шаҳрванди Тоҷикистон бо миқдори зиёди маводи мухаддири сахттаъсири героин дар марзи гумрукии Озарбойҷон дастгир шуда, зимни азназаргузаронии автомашинаи боркаш тариқи дастгоҳи рентгенӣ дар пинҳонгоҳи он
141 килову 156 грамм маводи нашъаовари героин
дарёфт шуд.
