Дар гузориши нави СММ оид ба рушди саноатӣ (ЮНИДО) Тоҷикистон дар қатори кишварҳои бештар қафомондаи Африқо, Афғонистон ва Кореяи Шимолӣ ба сафи давлатҳои дорои даромади паст шомил шудааст, ки Маҷмӯи даромади миллӣ (МДМ) ба ҳар як сари аҳолӣ дар ин кишварҳо 1 045 ва аз ин миқдор поинтарро ташкил медиҳад.
Қирғизистон, Ӯзбекистон, Украина, Арманистон, Молдова ва Гурҷистон дар қатори кишварҳои дорои даромади сатҳи аз миёна пасттар дохил шудаанд, ки МДМ ба ҳар як сари аҳолӣ дар ин кишварҳо ба аз 4 125 то 1 046 доллари ИМА баробар аст.
Қазоқистон, Туркманистон, Озарбойҷон, Беларус ҳамроҳ бо Чину Эрон дар гурӯҳи кишварҳои дорои даромади аз миёна болотар қарор доранд, ки МДМ ба ҳар як сари аҳолӣ дар ин кишварҳо аз 12 475 то 4 126 доллари ИМА-ро ташкил медиҳад.
Русия, Эстония, Литва ва Латвия ба сафи кишварҳои дорои сатҳи даромади баланд мансубанд, ки сатҳи МДМ ба ҳар як сари аҳолӣ дар ин кишварҳо ба аз 12 746 доллари ИМА ва аз он зиёдтар баробар аст.
Бино ба маълумоти Бонки ҷаҳонӣ, соли 2015 Маҷмӯи даромади миллӣ ба ҳар як сари аҳолӣ дар Тоҷикистон 1 080 доллари ИМА-ро ташкил додааст.
