Мавзӯи нави мо ба Интернет-бонкинг бахшида шудааст. Ҳаёти муосири инсонро бидуни воситаҳои алоқа тасаввур кардан ғайриимкон аст. Барои онҳое, ки маблағро қадр мекунанад ва ба таври дуруст ва самаранок онро истифода мебаранд, Интернет-бонкинг як воситаи дигари мусоид мебошад.
Имрӯзҳо мо хизматрасонии Интернет-бонкингро бештар истифода мебарем. Оё истифода бурдани он дар ҳақиқат бароҳат аст ё ин боз яз падидаи мӯд дар таъмини хизматрасониҳои бонкӣ мебошад? Биёед ин падидаро батафсил дида бароем. Интернет-бонкинг гуфта, технологияи хизматрасонии дурдасти бонкиро дар назар доранд,ки ба мизоҷони бонк дастрасӣ ба суратҳисобҳо ва амалиётҳоро дар вақти гуногун тариқи компютери ба шабакаи Интернет пайвастшуда имкон медиҳад.
Ба хизматрасонии Интернет-бонкинг инҳо дохиланд:
– пазорати ҳисоби худ, гирифтани изҳороти корт ва суратҳисобҳои бонкӣ;
– пардохт барои хизматрасонии коммуналӣ, телевизион, интернет ва алоқаи мобилӣ, пурра кардани ҳамёнҳои электронӣ;
– интиқоли маблағ аз як ҳисоб ба ҳисоби дигар дар дохили бонк;
– интиқоли маблағ аз як ҳисоб ба ҳисоби дигар дар бонкҳои дигар;
мубодилаи асъор;
– пардохти қарз, пурра кардани ҳисоби амонат, ҳисобҳои нақлиётӣ ва ғ.
– пайвасти SMS-огоҳнома, гузаронидани амалиётҳо дар Интернет ва дигарон.
Афзалиятҳои Интернет-банкинг:
– бароҳатӣ;
– амниятӣ;
– соддагӣ.
Имрӯз, хизматрасонии Интернет-бонкинг аксарияти бонкҳои кишвар мерасонад. Агар Шумо дар бонк суратҳисобдошта бошед ва хоҳед, ки аз хизматрасонии Интернет-бонкинг истифода баред, барои ин танҳо ба бонк муроҷиат карда, барои пайвастшавӣ ариза нависед. Баъдан ба Шумо логин ва пароле, ки танҳо ба Шумо маълум аст дода мешавад. Бо онҳо амалиётҳои лозимаро дастрас карда метавонед. Пайвастшавӣ ва истифодаи Интернет-бонкинг, одатан, ройгон аст!
Дар мақолаи навбатӣ мо дар бораи тадбирҳои бехатарии истифодаи Интернет-бонкинг сухан мегӯем.
Маводҳои рубрикаи “Саводнокии молиявӣ” дар доираи созишномаи ҳамкории муштараки ҶСП “Спитамен Бонк” ва ҶДММ Агентии Иттиллоотии “Азия-плюс” дар соҳаи баландбардории маълумотнокии молиявии аҳолӣ омода шудаанд.
