Раъйдиҳии пешазмуҳлат дар интихоботи президентии Ӯзбекистон, ки қарор аст, 4 декабри соли равон баргузор шавад, шурӯъ шуд.
Бино ба иттилои Радиои Озодӣ, довталаби асосии курсии раҳбари Ӯзбекистон сарвазир Шавкат Мирзиёв буда, Ҳотамҷон Кетмонов аз Ҳизби халқии демократӣ, Сарвар Отамуродов аз Ҳизби "Миллий Тикланиш", Наримон Умаров аз Ҳизби "Адолат" низ номзадии худро ба мақоми президентӣ пешниҳод кардаанд.
Гуфта мешавад, президенти ояндаи Ӯзбекистон барои 5 сол интихоб мешавад. Бар пояи қонунгузории ин кишвар, раъйдиҳии пешазмуҳлат 10 рӯз пеш оғоз ёфта, то як рӯз мондан ба интихобот идома хоҳад ёфт.
Дар ин ҳамсоякишвар 21 миллиону 435 ҳазор раъйдиҳанда ба қайд гирифта шудааст. Дар саросари Ӯзбекистон 9378 қитъаи овоздиҳӣ таъсис ёфта, 44 нуқтаи дигар дар намояндагиҳои ин кишвар дар 28 давлати дунё боз хоҳад шуд.
