Дар маҷлиси навбатии ҳукумати Тоҷикистон, ки имрӯз доир гардид, президенти мамлакат Эмомалӣ Раҳмон ҳукумати ҷумҳурӣ, роҳбарони вазорату идораҳо ва ташкилоту муассисаҳои давлатӣ, раисони вилоят ва шаҳру ноҳияҳои мамлакатро вазифадор намуд, ки барои ташкили хуби истироҳати тобистонаи кӯдакону наврасон, омодагӣ ба давраи тирамоҳу зимистони солҳои 2017-2018, таъмини аҳолӣ бо нерӯи барқ ва маводи сӯзишворӣ, риояи қатъии қоидаҳои зиддисӯхтор чораҳои мушаххас андешанд.
Бино ба иттилои хадамоти матбуоти сарвари давлат, ҳамчунин Эмомалӣ Раҳмон бори дигар дар арафаи Иди саиди Фитр ба кулли шахсони эҳтиёҷманд додани фитри рӯзаро ёдрас намуда, супориш дод, ки ба хотири мусоидати бештар баҳри беҳдошти сатҳи зиндагии аҳолӣ мардум бояд дар вақти оростани дастархони идона ба исрофкорӣ роҳ надиҳанд.
ИЗОБРАЖЕНИЕ
Дар кори маҷлис т масъалаи кадрҳо баррасӣ шуда, аъзои нави ҳайати мушовараи Кумитаи телевизион ва радиои назди Ҳукумати ҶТ ва Агентии таъминоти амволи махсуси назди Ҳукумати ҶТ тасдиқ гардид.
Ҳисоботи раиси Кумитаи андози назди Ҳукумати ҶТ оид ба рафти иҷрои қарори Ҳукумати ҷумҳурӣ “Дар бораи Барномаи давлатии рушд ва татбиқи технологияҳои иттилоотию коммуникатсионӣ дар ҶТ барои солҳои 2014-2017” шунида шуд.
ИЗОБРАЖЕНИЕ Раиси Кумитаи андоз Нусратулло Давлатзода
Таъкид гардид, ки барномаи мазкур бо мақсади баланд бардоштани сифат ва самаранокии фаъолияти мақомоти идоракунии давлатӣ тавассути ташкил намудани системаҳои иттилоотӣ ва таъмини рушди он, аз ҷумла ташкили мубодилаи байниидоравии иттилоот дар мақомоти давлатӣ қабул карда шудааст.
Дар бораи Нақшаи генералии шаҳраки Зафарободи ноҳияи Зафарободи вилояти Суғд раиси ноҳияи Зафаробод гузориш дод. Зикр карда шуд, ки дар нақшаи генералии мазкур рушди иҷтимоию иқтисодии шаҳраки Зафаробод бо дарназардошти афзоиши аҳолӣ то соли 2035 барои 90 ҳазор нафар таҳия шудааст.
Аъзои ҳукумат лоиҳаи як қатор қонунҳо, аз ҷумла қонун “Дар бораи вазъи шаҳрвандони хориҷӣ ва шахсони бешаҳрванд дар ҶТ”, “Оид ба ворид намудани тағйиру иловаҳо ба Қонуни ҶТ “Дар бораи ҳимояи ҳуқуқи истеъмолкунандагон”, “Оид ба ворид намудани тағйир ба Қонуни ҶТ “Дар бораи ӯҳдадории умумии ҳарбӣ ва хизмати ҳарбӣ”, “Оид ба ворид намудани тағйиру иловаҳо ба Қонуни ҶТ “Дар бораи бақайдгирии давлатии молу мулки ғайриманқул ва ҳуқуқҳо ба он” – ро маъқул дониста, барои баррасӣ ба Маҷлиси намояндагони Маҷлиси Олии ҶТ ирсол намуданд.
Барои баррасӣ ба Маҷлиси намояндагон ҳамчунин пешниҳоди 5 хулосаи Ҳукумати ҶТ, аз ҷумла Дар бораи пешниҳоди хулосаи Ҳукумати ҶТ ба лоиҳаи Қонуни ҶТн “Оид ба ворид намудани тағйирот ба Кодекси мурофиавии граждании ҶТ” ирсол карда шуд.
