Дар шаҳри Пекин Дабири кулли Созмони ҳамкории Шанхай (СҲШ) Рашид Олимов бо ҳузури сафири Тоҷикистон дар Чин Парвиз Давлатзода собиқ вазири корҳои хориҷии Тоҷикистон, академик, доктори илмҳои иқтисодӣ, профессор Талбак Назаровро ба ҳузур пазируфт.
ИЗОБРАЖЕНИЕ
Зимни вохӯрӣ Рашид Олимов саҳми бевосита ва арзандаи собиқ вазири корҳои хориҷии Тоҷикистон дар таъсис ва рушди СҲШ-ро таъкид намуда, изҳор дошт, ки имрӯз Созмон дар таҳкими суботи минтақавӣ ва амниятӣ нақши муҳим дошта, як воситаи муаасир барои густариши муносибатҳои гуногунҷабҳа миёни давлатҳо маҳсуб меёбад.
Дар навбати худ Талбак Назаров дар робита ба нақши муосири СҲШ таъкид дошт, ки ба натиҷаҳои нишасти СҲШ дар Остона ва ба узвияти Созмон пазируфта шудани ду аъзои нав – Ҳиндустону Покистон ҷомеа ҷаҳонӣ таваҷҷуҳи зиёд зоҳир намуда, ин гувоҳи он аст, ки барои рушди минбаъдаи СҲШ заминаҳои зиёд фароҳам аст.
ИЗОБРАЖЕНИЕ
Қобили зикр аст, ки Талбак Назаров дар Пекин ба сифати меҳмони фахрии Форуми Машварати ҳамкорӣ ва тадбирҳои эътимод дар Осиё қарор дорад.
