Суди шаҳри Хуҷанд корманди Раёсати Агентии назорати давлатии молиявӣ ва мубориза бо коррупсия дар вилояти Суғд Мирзокарим Каримзодаро ба иттиҳоми қаллобӣ ба маблағи 25 ҳазор сомонӣ ҷаримабандӣ кард.
Сардори Раёсати Агентӣ, полковники адлия Иброҳимзода Карим Иброҳим ба рӯзноманигорон дар ин робита изҳор намуд, ки Каримзода, корманди фаврии шуъбаи кофтукови Раёсати Агентӣ бо роҳи фиреб ба боварии шаҳрванд К.К. даромада, аз ӯ гӯё барои озод кардан аз ҷавобгарии ҷиноӣ 5 ҳазор доллар маблағ талаб мекунад ва онро азхуд мекунад.
Зимнан зикр гардид, ки ин корманди Агентӣ дар содир намудани ҷиноят мутобиқи моддаи 247, қ. 4, банди “б” гунаҳкор эътироф гардида, ҷариманбандӣ шуд.
