Раёсати Бозрасии давлатии автомобилии ВКД Тоҷикистон дар посух ба мақолаи «420 сомони за номер. Или за что мы платим ГАИ?» аз 4 сентябр дар ҳафтаномаи «Азия-Плюс» изҳор мекунад, ки нархи муқарраршудаи ивази рақами давлатии автомашина 426 сомонӣ – 210 сомонӣ барои шиносномаи нави техникӣ, ҳамин миқдор маблағ – арзиши рақами давлатӣ ва 6 сомонӣ – азназаргузаронии воситаи нақлиёт буда, ин нархҳо бо Хадамоти зиддиинҳисории назди ҳукумати ҷумҳурӣ мувофиқа карда шудааст.
Ҳамчунин зикр мегардад, ки барои таъмини амният дар роҳҳо ва дастрасии маълумоти электронӣ дар бораи моликони автомашина ва воситаи нақлиёт, соли 2013 ба рақамҳои давлатии воситахои нақлиёт теги RFID (микрочип) насб шуд.
Гуфта мешавад, ҷорӣ шудани механизми электронии мазкур ба арзиши рақамҳои давлатии автомашинаҳо он замон ҳеҷ таъсире надошт, зеро ба истифода баровардани чунин рақамҳои давлатӣ ба таври озмоишӣ сурат гирифта, дигар ба истифодаи онҳо ҳоҷате нест.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
