Бо ишироки роҳбарияти Вазорати корҳои дохилии Тоҷикистон дар назди Хоҷагии ёрирасони Қӯшунҳои дохилии ВКД корхонаи нави консервабарорӣ мавриди баҳрабардорӣ қарор гирифт.
Бино ба иттилои дафтари матбуоти ВКД Тоҷикистон, корхонаи мазкур бо дастгоҳҳои зарурӣ муҷаҳҳаз буда, дар муддати кӯтоҳ сохта шудааст ва дар як шабонарӯз метавонад 86400 дона консерва омода намояд.
Гуфта мешавад, маҳсулоте, ки аз заминҳои хоҷагии ёрирасони ВКД ҷамъоварӣ карда мешавад, акнун дар корхонаи мазкур коркард хоҳад шуд.
Зимнан зикр мегардад, ки ин маҳсулот барои Воҳидҳои таъиноти махсуси ВКД ва сарбозони Раёсати қӯшунҳои дохилӣ барои зимистонгузаронӣ захира карда мешаванд.
