Дар шабакаи телевизионии «Мир» лоиҳаи байнулмилалии мусиқии «Во весь голос» идома дорад, ки дар он наврасон аз ҳафт кишвари ИДМ ва Гурҷистон дар ҳунарнамоии вокалӣ ва артистӣ ракобат мекунанд.
Иштирокчиёни озмун зимни ҳисоботҳои ҳафтаина дар иҷрои суруду таронаҳои ситораҳои гуногун бо ҳам мусобиқа карда, вобаста ба имтиёзҳои гирифта дар овоздиҳӣ миёни мардум ва баҳои аъзои ҳакамон мавқеъ ишғол мекунанд.
Тоҷикистонро дар ин озмун тарбиятгирандагони студияи вокалии «Ҳафтранг» – Некрӯз Зребунов, Томирис Элназарова, Амал Ҳафизова ва Дилноз Абдуалимова намояндагӣ мекунанд, ки мураббиашон Зафар Абдуалимов мебошад.
Қобили зикр аст, ки ҳар нафаре метавонад ба ҳунарнамоии иштирокчиёни озмун баҳо дода, ба ҷонибдории дастаи писандида овоз диҳад.
Биёед ҳамватанони худро дастгирӣ кунем. Бо ин суроға ба ҷонибдории онҳо овоз дода метавонед.
