Агентии «Тоҷикстандарт» маълумот дар бораи гӯё манъ шудани воридоти тухмро аз хориҷа ба ҷумҳурӣ қотеъона рад кард.
«Нисбати воридоти тухми мурғ дар маҷмӯъ ё аз ягон кишвари ҷудогона ҳеҷ гуна маҳдудият ҷорӣ нашудааст», – хабар доданд ба «Азия-Плюс» аз Тоҷикстандарт».
Маълумоти аз ҷониби чане аз васоити ахбори омма чопшударо дар бораи манъи воридоти тухм дар Агентӣ бардурӯғ хонданд.
Қобили зикр аст, ки як қатор ВАО-и электронӣ хабар доданд, ки Тоҷикистон ба як муддати муайян воридоти тухмро ба кишвар манъ карда, ин тадбир гӯё ба шикояти сершумори ахиран расида нисбат ба сифати тухми воридшуда аз кишварҳои ҳамсоя рабт доштааст.
Дар хабарҳо зикр мегардад, ки ин амал дар партави сабук гардидани шартҳои убури марзи Тоҷикистону Ӯзбекистон сурат мегирад, ки дар натиҷа моҳи охир ҳаҷми воридоти тухм аз кишвари ҳамсоя ба таври назаррас афзуд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
