Аз 22 то 28 ноябри соли 2018 дар шаҳри Давҳаи Давлати Қатар Рӯзҳои фарҳанги Ҷумҳурии Тоҷикистон дар Давлати Қатар баргузор мешавад.
Бино ба иттилои дафтари матбуоти Вазорати фарҳангши ҷумҳурӣ, Рӯзҳои фарҳанги Ҷумҳурии Тоҷикистон дар Давлати Қатар дар таърихи Тоҷикистони соҳибистиқлол бори аввал гузаронида мешавад.
Гуфта мешавад, ҳайати расмӣ ва эҷодии Рӯзҳоро Вазири фарҳанги Ҷумҳурии Тоҷикистон Шамсиддин Орумбекзода сарварӣ мекунад.
Ифтитоҳи ботантанаи Рӯзҳо 24 ноябр дар шаҳри Давҳа бо роҳандозии барномаи консертӣ, намоиши мусаввараҳо, аксҳо ва ҳунарҳои мардумӣ дар назар аст.
Инчунин баргузории чунин барномаҳои ҳунарӣ рӯзҳои 25 ва 26 ноябр дар Маҷмааи Қатар Молл низ пешбинӣ шудааст.
Ба ҳайати эҷодии Рӯзҳои фарҳанги Ҷумҳурии Тоҷикистон дар Давлати Қатар Давлатманд Холов, Хучастаи Мирзовалӣ, Фотима Машрабова, Ситораи Кароматулло, Амирҷон Рӯзиев, Дамирбек Олимов ва ҳунарпешаҳои Ансамбли рақсии «Парасту» шомиланд.
