Прокуратураи вилояти Суғд аз афзоиши ҳодисаҳои сироят кардани одамон аз ҷониби шахсони сироятёта за Вируси норасоии масунияти одам (ВНМО, ВИЧ) нигаронӣ изҳор мекунад.
“Агар соли 2018 дар қаламрави вилояти Суғд мутобиқи моддаи 125 Кодекси ҷиноии Тоҷикистон (Сироят кардан бо инфекцияи ВИЧ, ВНМО) 6 парвандаи ҷиноӣ боз шуда бошад, пас танҳо давоми моҳи январи соли 2019 нисбати шахсони сироятёфта аз ВНМО, ки дидаву дониста шахсони дигарро сироят кардаанд, 7 парвандаи ҷиноятӣ боз шуд”, – иброз дошт зимни нишасти хабарӣ прокурори вилояти Суғд Ҳабибулло Воҳидов.
Бино ба гуфтаи ӯ, соли 2018 дар қаламрави вилоят 397 нафар афроди нави сироятёфта аз ВНМО ба қайд гирифта шудаанд, ки 239 нафарашонро занон ташкил дода, 97 тан аз онҳо фавтидаанд.
“Шурӯъ аз соли 2001 дар вилояти Суғд 2411 нафар шахсони сироятёфта аз ВНМО сабт шудаанд, ки 1507 нафарашонро мардон ва 904 нафарашонро занон ташкил дода, 714 нафари онҳо фавтиданд”, – илова намуд Ҳабибулло Воҳидов.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
