Китобчаи мусаввар-афсонаи «Садбарг – духтари гулноз»-и нависанда Абдуғаффор Абдуҷабборов бо теъдоди 2 ҳазор нусха дар Маркази фарҳангии Осиё бо ибтикори Кумитаи «Санъати афсонагӯӣ» -Ҷумҳурии Корея бо забонҳои тоҷикӣ ва кореягӣ барои бачаҳо интишор гардид.
Бино ба иттилои дафтари матбуоти Вазорати фарҳанги Тоҷикистон, афсонаро рассоми кореягӣ Ким Сол Ми бо расмҳои ранга ва зебо оро додааст.
Гуфта мешавад, афсонаи мазкур бо забони русӣ низ таҳти унвони «Справедливая Садбарг» дар шакли китобчаи алоҳидаи мусаввар бо теъдоди 2 ҳазор нусха ба нашр расидааст.
Зимнан зикр мегардад, ки тибқи нақшаи Кумитаи Осиёгӣ афсонаи «Садбарг-духтари гулноз» дар радифи асарҳои дигар адибон дар Ҷумҳурии Корея, Ҷумҳурии Тоҷикистон ва дигар кишварҳои Осиёи Марказӣ ба хонандагони хурдсол дастрас мегардад.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед
