Обуҳавои пойтахт гарм шуда, сокинон аз гармии беҳад зиёд дар хонаҳояшон шикоят доранд. Дар ин робита, гармидиҳиро ба хонаҳои сокинони Душанбе то охири ҳафта қатъ карданианд.
Тавре ба “Азия-Плюс” аз мақомоти шаҳрдории пойтахт хабар доданд, нахуст қатъи истеҳсол ва интиқоли гармӣ ба иншооти шаҳр 15 март ба нақша гирифта шуда, лекин чун ҳарорат то он рӯз ба нишондиҳандаи зарурӣ барои қатъ нарасидааст, тасмим мегиранд, ки боз як ҳафтаи дигар сабр намоянд.
Дар ҳамин ҳол, бисёре аз сокинони пойтахт аз гармии беҳад зиёд дар манзилҳояшон шикоят дошта, мегӯянд, ҳатто агар тирезаҳоро кушода монанд ҳам, аз гармии зиёд ҷойи гурез нест ва аз ин рӯ, нороҳатӣ ҳис мешавад.
Қобили зикр аст, ки наздики 2 ҳазор хонаҳои истиқоматӣ ва дигар иншоот дар шаҳри Душанбе бо гармӣ таъмин мешаванд.
ИЗОБРАЖЕНИЕ Дар харита иншоот, микрорайон, кӯчав ва хонаҳои Душанбе ишора шудааст, ки зимистони соли гузашта гармӣ гирифта буданд.
Бархе аз сокинони Душанбе изҳор амуданд, ки худашон мустақилона интиқоли гармиро ба манзилҳояшон қатъ карда, акнун намедонанд, ки барои гармие, ки аллакай истифода намебаранд, оё маблағ пардохт мекунанд?
Дар Муассисаи давлатии «Шабакаҳои гармидиҳандаи шаҳри Душанбе» дар ин робита қайд карданд, ки чунин истеъмолгарон дар баробари пардохти пули гармӣ, ҳамчунин ҷарима низ мешаванд.
“Худсарона қатъ кардани гармӣ аз қубурҳо қонуншикании маъмурӣ шуморида шуда, бо ҷарима ҷазо дода мешавад”, – иброз дошт мудири шуъбаи фурӯши гармӣ ба аҳолии корхонаи мазкур Алихон Каримов.
Ӯ зикр кард, ки яке аз сабабҳои анҷоми нисбатан дертари мавсими гармидиҳӣ камбуди нерӯи барқ мебошад, ки то рӯзҳои охир эҳсос мешуд.
“Аммо, – таъкид дошт Каримов. – Бо фарорасии мавсими гармӣ, ҳаҷми истеҳсоли барқ дар нерӯгоҳи Норак афзуда, ба зарурати истеҳсоли барқ аз ҷониби марказҳои барқу гармидиҳӣ эҳтиёҷ намемонад”.
Зимнан зикр гардид, ки ба гумони ғолиб, ба наздикӣ пеш ё чанд рӯз пас аз таҷлили ҷашни Наврӯз мавсими гармидиҳӣ дар пойтахт ба итмом мерасад.
Қобили зикр аст, ки айни замон аҳолӣ барои гармидиҳӣ ба ҳар як метри мураббаъи манзил 1,03 сомонӣ маблағ дар як моҳ пардохт мекунад.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед
