Пас аз бартараф намудани оқибатҳои лағжиши кӯҳпораи азим дар километри 119-уми роҳи автомобилгарди Душанбе – Хуҷанд, ҳаракати воситаҳои нақлиёт тариқи он барқарор шуд, хабар медиҳад дафтари матбуоти филиали ширкати IRS дар Тоҷикистон.
Котиби матбуотии филиали ширкат Далер Мерганов ба “Азия-Плюс” дар ин робита иттилоъ дод, ки роҳ аз ҳарду самт барои ҳаракати нақлиёт боз шудааст.
“Аввал ҳаракатро ба самти Душанбе ва сипас ба самти Хуҷанд низ иҷоза доданд. Айни замон воситаҳои нақлиёт метавонанд ба ҳарду самт ҳаракат кунад. Қитъаи вайроншудаи роҳ рӯзҳои наздик таъмиру асфалтпӯш мешавад”, – иброз дошт ӯ.
Ёдрас мекунем, ки бар асари лағжиши кӯҳпораи азим дар километри 119-уми роҳи Душанбе-Хуҷанд субҳи имрӯз роҳ баста шуда буд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
