Ҳамёни мобилии ТезСум, ки замимаи муштараки ширкати Tcell ва Аввалин бонки молиявии хурд мебошад, имконияти комилан нав ва беназирро пешниҳод месозад: ҳамакнун корбарони ҳамён метавонанд аз тамоми гӯшаву канори дунё мустақиман маблағҳои пулиро тавассути кортҳои бонкии ШМП “Корти миллӣ”, ки Аввалин бонки молиявии хурд роҳандозӣ кардааст, дарёфт намоянд!
Ин вижагӣ тариқи ҳамёни мобилии ТезСум амалӣ мешавад. Раванди дарёфт (гирифтан)-и маблағҳои пулӣ аз кишварҳои дигар осон, зуд ва қулай тавассути ин абзор боз роҳаттар мегардад. Агар Шумо ҳамёни мобилии ТезСум-ро боргирӣ ва насб карда бошед, имконияти дарёфти маблағҳои пулиро аз дилхоҳ гӯшаи дунё тавассути низомҳои интиқоли пул («Юнистрим», «Contact», «Blizko» «Western Union» ва ғайра) ба “Корти миллӣ”-и Аввалин бонки молиявии хурд пайдо менамоед!
Акнун ташрифи Шумо ба бонкҳо ва шӯъбаҳои он дар гузашта монд! Барои гирифтани маблағҳои пулӣ фақат зарур аст, ки корти Аввалин бонки молиявии хурдро бо ҳамёни ТезСум пайваст карда, ному насаб ва маълумот (реквизит)-и бонкиатонро нависед.
Пас аз интиқоли маблағ ба шумо, дар қисматаи “Интиқоли пул”-и ҳамёни мобилии ТезСум бояд корти Аввалин бонки молиявии хурдро интихоб намуда, рамзи ягонаи интиқолро, ки фиристанда ба шумо эълон доштааст, нишон диҳед. Дар як лаҳза интиқоли маблағ, ки тавассути замимаи ТезСум анҷом ёфтааст, ба ҳисоби корти бонкии шумо мегузарад.
Баъдан, маблағро метавонед ба ҳисоби ҳамёни мобилии ТезСум барои пардохти ҳама гуна пардохтҳо гузаронед ва ё аз банкоматҳои Аввалин бонки молиявии хурд онро ба таври нақд (бо асъори миллӣ ва ё доллар), бе комиссия бигиред. Ҳамчунин, тавассути корти мазкур маблағҳои ғайринақдиро дар ҳама фурӯшгоҳҳои бузурги Тоҷикистон бе комиссия пардохт кардан мумкин аст.
Таҷдид ва такмилсозии барномаи ТезСум идома дорад ва имкониятҳои нави он пешниҳод мешаванд. Дар ояндаи наздик боз чанд функсияи замима роҳандозӣ мегардад.
Ба ТезСум ҳамроҳ шавед: беш аз 150 намуди хизматрасониро дар дилхоҳ гӯшаву канори дунё ва он ҳам бе комиссия тавассути ин замима пардохт кардан мумкин
ТезСум – интиқоли осони мобилӣ!
___________________
Tcell – ширкати бузурги мухобиротии Тоҷикистон буда, ягона саҳҳоми он Бунёди Оғохон оид ба Рушди иқтисодӣ (AKFED) аст.
ҶСП «Аввалин бонки молиявии хурд» тамоми намуди хизматрасониҳои бонкиро тавассути шабакаҳои умумиҷумҳуриявии худ ва оҷонсиҳои пардохти бонкӣ пешниҳод месозад. Саҳмдори асосии бонк Фонди Оғохон оид ба Рушди иқтисодӣ (AKFED) мебошад.
AKFED – Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии мардумони кишварҳои рӯ ба рушд тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин фаъолият мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.
