Ҳукумати Тоҷикистон дар ноҳияи Риштони вилояти Фарғонаи Ӯзбекистон як кӯдакистон барои 200 нафар тарбиятгирандагон месозад.
Тавре Daryo.uz хабар медиҳад, корманди дастгоҳи ҳукумати вилояти Фарғона Дилшодҷон Ҳоҷиметов дар ин робита гуфтааст, иншооти нав бо арзиши 4 млрд. сӯм (420 ҳазор доллар) моҳи сентябри соли 2020 ба истифода дода мешавад.
Ёдрас мекунем, ки дар доираи сафари давлатии президенти Ӯзбекистон Шавкат Мирзиёев ба Тоҷикистон байни кишварҳо созишнома ба имзо расид, ки мувофиқи он Ӯзбекистон дар Тоҷикистон бемористони бисёрсоҳавию мактаб ва Тоҷикистон дар Самарқанд мактабу дар ноҳияи Риштон кӯдакистон бунёд мекунанд.
Аксари сокинони маҳаллии қаламраве, ки Тоҷикистон дар он мактабу кӯдакистон месозад, тоҷиконанд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
