Раисҷумҳури Ӯзбекистон Шавкат Мирзиёев имрӯз, 1-уми ноябр дар шаҳри Тошканд сарвазири Тоҷикистон Қоҳир Расулзодаро ба ҳузур пазируфт.
Бино ба иттилои хадамоти матбуоти раисҷумҳури Ӯзбекистон, зимни вохӯрӣ масоили рушди босуръати муносибатҳои дӯстона ва ҳамсоядории нек баррасӣ шудааст, ки ба шарофати кӯшишҳои муштараки сарони ду кишвар ба сатҳи шарикии стратегӣ расидааст.
Ҳамчунин аҳаммияти татбиқи саривақтӣ ва пурраи созишномаҳои сатҳи баланд дар соҳаҳои сиёсӣ, тиҷоративу иқтисодӣ, энергетикӣ, нақлиётӣ, гуманитарию фарҳангӣ ва дигар самтҳои афзалиятнок таъкид гардид.
Дар ҷараёни мулоқот ба масъалаҳои густариши ҳамкорӣ байни минтақаҳои наздисарҳадӣ таваҷҷуҳи хос зоҳир шудааст.
ИЗОБРАЖЕНИЕ
Ёдовар мешавем, ки сарвазири Тоҷикистон бо сафари дурӯзаи корӣ ба шаҳри Тошканд рафта, дар ҷаласаи роҳбарони ҳукуматҳои мамолики аъзои Созмони ҳамкории Шонҳой (СҲШ) иштирок дорад.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
