Дар маҳаллаи Тиллокони шаҳри Хуҷанд маҷмааи варзишии “Тир” ба истифода дода шуд.
Тибқи иттилои хадамоти матбуоти МИҲД вилояти Суғд, иншооти мазкур аз ҷониби мураббии тирпарронӣ Марат Абдукаримов ба маблағи 1 миллион сомонӣ бунёд шудааст. Иншоот аз се ошёна иборат буда, бо таҷҳизоти зарурӣ таъмин мебошад.
Дар ин маҷмаа барои дӯстдорони намудҳои гуногуни варзиши тирпарронӣ шароит муҳайё шудааст. Варзишгарон дар ин макон метавонанд маҳорати тирпарронии худро сайқал диҳанд ва Тоҷикистонро дар мусобиқаҳои байнулмилалӣ муаррифӣ кунанд.
Дар маросими ифтитоҳи иншооти мазкур раиси Федератияи тирпарронии варзишии Тоҷикистон Беҳзод Файзуллоев, муовини раиси шаҳри Хуҷанд Фирӯза Нуруллозода, намояндагони Раёсати кор бо ҷавонон ва варзиши вилояти Суғд, варзишгарон ва сокинони маҳалла иштирок карданд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
