Тӯли 9 моҳи соли ҷорӣ ҳаҷми қарзи дохилии Тоҷикистон бо пули миллӣ ба маблағи 50 млн. сомонӣ афзуд.
Тавре Вазорати молияи ҶТ хабар медиҳад, ба ҳолати 1 октябр ҳаҷми қарзи дохилӣ 6,9 млрд. сомонӣ (аввали сол – 6,85 млрд. сомонӣ)-ро ташкил медиҳад.
Дар ҳамин ҳол, ба 1 октябри соли ҷорӣ ҳаҷми ин қарзҳои давлатӣ бо доллари ИМА аз 750 млн. доллар дар аввали сол то ба 715 млн. доллар коҳиш ёфтааст.
Коҳиши ҳаҷми қарзи хориҷӣ ба гумони ғолиб ба тағйироти қурбӣ вобаста аст: давоми 9 моҳ қурби доллар нисбат ба сомонӣ 2,8% зиёд шуд – аз 9,4298 сомонӣ то 9,6960 сомонӣ барои 1 доллар.
Дар сохтори қарзи дохилии кишвар беш аз 40%-ашро коғазҳои қиматнок (векселҳо) барои дастгирии молиявӣ (рекапитализатсия)-и ду бонки мушкилдори кишвар – «Агроинвестбонк» ва «Тоҷиксодиротбонк» ташкил медиҳанд.
Ҳамчунин ин қарзҳо аз ҳисоби ҷойгир кардани коғазҳои қиматноки Вазорати молия барои қонеъ сохтани эҳтиёҷоти гуногуни давлатӣ ба вуҷуд омадаанд.
Дар ҳамин ҳол, ҳаҷми қарзи давлатии Тоҷикистон аз оғози сол қариб бетағйир боқӣ мемонад.
Тибқи маълумоти Вазорати молия, ба 1 октябри соли 2019 қарзи давлатӣ 3,6 млрд. долларро ташкил медиҳад, ки ба 44,7%-и ММД баробар аст.
ИЗОБРАЖЕНИЕ
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
