Рӯзи 20-уми феврал дар Қазон (Тотористон) аксбардор ва рӯзноманигори маъруф, Корманди шоистаи Тоҷикистон Зиннат Азизов дар синни 89-солагӣ аз олам даргузашт. Дар ин бора ба “Азия-Плюс” хешовандони ӯ хабар доданд.
Наздики 50 сол ӯ дар васоити ахбори умум фаъолият дошт: аксбардори маҷаллаҳои “Таджикистан” ва “Занони Тоҷикистон”, хабарнигори ТоҷикТА дар водии Вахш, сардабири бойгонии аксҳои ТоҷикТА буд.
Собиқаи кории ӯ қариб 60 солро ташкил медиҳад, зеро овони наврасӣ соли 1943 падараш ба фронт даъват шуда, ӯ ба кор оғоз кард.
Соли 1962 бо қарори ҳакамони Намоишогоҳи умумииттифоқии ҳунари аксбардорӣ дар Маскав барои сурати “Первый день жизни” (Рӯзи аввали ҳаёт) ба диплом бо имзои вазири фарҳанги Иттиҳоди Шӯравӣ Екатерина Фуртсева сарфароз гардонида шуд.
Давоми ним асри фаъолияти эҷодӣ Зиннат Азизов шояд миллионҳо маротиба тугмаи дастгоҳи аксбардорро пахш карда, рӯйдоду лаҳзаҳои таърихиро дар Тоҷикистон ва Иттиҳоди Шӯравӣ сабт кардааст.
ИЗОБРАЖЕНИЕ
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
