Дар кӯчаву хиёбон, мавзеъҳои истироҳатӣ, маҳаллаву тангкӯчаҳои шаҳри Хуҷанд маъракаи густурдаи безараргардонӣ бо ҷалби беш аз 20 адад техникаю зиёда аз 70 тонна маводи тамизкорӣ ташкил ва гузаронида шуд.
Бино ба иттилои дафтари матбуоти раиси шаҳри Хуҷанд, ин иқдом бо ташаббуси мақомоти ҳифзи муҳити зисти вилояти Суғд дар арафаи иди касбиашон сурат гирифт.
Гуфта мешавад, раиси шаҳри Хуҷанд Маъруф Муҳаммадзода ва муовини раиси вилояти Суғд Рустам Каримзода дар маросими ифтитоҳи чорабинии безараргардонӣ иштирок намуда, Маъруф Муҳаммадзода кормандони ҳифзи муҳити зистро бо иди касбиашон табрику таҳният кард.
“Баъдан Раиси шаҳри Хуҷанд Маъруф Муҳаммадзода ва муовини Раиси вилояти Суғд Рустам Каримзода бо техникаҳои сафарбаршавандаи тамизгардонӣ аз наздик шинос шуданд”, – омадааст дар хабар.
Сипас, зиёда аз 20 адад техникаю таҷҳизот бо фарогирии беш аз 70 тонна маводи тамизкорӣ барои безараргардонии кӯчаву хиёбон, тангкӯчаҳо, мавзеъҳои истироҳатӣ, истгоҳҳо, маҳаллаву микроноҳияҳо сафарбар карда шуданд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
