Аз шумори умумии ҳалокшудагон дар муассисаҳои ислоҳӣ 11 нафар аз бемории илтиҳоби шуш фавтидаанд. Дар ин бора имрӯз зимни нишасти матбуотӣ вазири адлияи Тоҷикистон Музаффар Ашӯриён хабар дод.
Ба гуфтаи ӯ, ҳамагӣ дар зарфи 6 моҳи соли ҷорӣ бар асари бемориҳои гуногун 41 нафар маҳкумшудагон фавтидаанд.
Ӯ қайд кард, ки дар айни замон дар муассисаҳои ислоҳиву меҳнатӣ 213 нафар сироятёфтагон аз ВНМО (ВИЧ, 85 нафар беморони сил, 98 нафар гирифторони бемории илтиҳоби шуш ва 244 нафар нашъмандон ба қайд гирифта шудаанд.
Вазир таъкид дошт, ки ҳамаи беморон дар зиндонҳои Тоҷикистон таҳти муоинаи тиббӣ қарор дошта, ба муолиҷа фаро гирифта шудаанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
