Байни кишварҳои ИДМ ҳаҷми бештари коҳиши интиқоли маблағ аз ҷониби шахсони воқеӣ аз Русия ба Қазоқистону Тоҷикистон ба қайд гирифта шудааст.
Тавре Бонки марказии Русия хабар медиҳад, дар муқоиса бо 3 моҳи аввали соли гузашта семоҳаи аввали имсол ҳаҷми интиқоли маблағ аз Русия ба Қазоқистон 42,3% – то 60 млн доллар кам шудааст.
Дар ин давра шахсони воқеӣ ба Тоҷикистон 453 млн доллар пул фиристодаанд, ки нисбат ба нишондиҳандаи семоҳаи аввали соли 2019 ба миқдори 19,4% камтар мебошад.
Ҳаҷми интиқоли маблағ аз ҷониби шахсони воқеӣ аз Русия ба кишварҳои ИДМ дар семоҳаи аввали имсол ба сурати умум 8% – то 2,69 млрд доллар коҳиш ёфт.
Дар сегонаи аввали кишварҳо Арманистон қарор дошта, давоми се моҳи имсол аз Русия ба ин давлат 16,2% – то 181 млн доллар камтар маблағ ирсол шудааст.
Тӯли ин муддат интиқоли пул аз Русия ба Молдова ба миқдори 14,7% то 110 млн доллар, Қирғизистон – 9,2% то 494 млн доллар ва Беларус – 5,4% то 122 млн доллар коҳиш ёфтааст.
Дар ҳамин ҳол, ин нишондиҳанда барои чанде аз кишварҳои ИДМ афзуд. Интиқоли пул аз ҷониби шахсони воқеӣ аз Русия ба Озарбойҷон 6% – то 247 млн доллар, ба Украина 4% – то 262 млн доллар, ба Ӯзбекистон 0,4% то 756 млн доолар зиёд шуда, ба Туркманистон низ аз сатҳи сифри соли пешин то 1 млн доллар афзудааст.
Дар ҳамин ҳол, интиқоли пул аз ҷониби шахсони воқеӣ аз кишварҳои ИДМ ба Русия баръакс, ба андозаи 4,6% то 497 млн доллар афзудааст. Коҳиши ҳаҷми интиқол аз ҷониби шахсони воқеӣ танҳо аз Тоҷикистон (66,7%) ва Қирғизистон ба қайд гирифта шуда, афзоиши интиқоли аз ҳама бештар аз Украина (38,4%) ва Туркманистон (33,3%) амалӣ шудааст.
Интиқоли маблағ дар як лаҳза бе комиссия ва бо қурби қулай тариқи asiaplus.intiqol.tj
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
