Вакилони палатаи поёнии парлумони Тоҷикистон тағйироту иловаҳо ба қонун “Дар бораи фаъолияти волонтёрӣ”-ро тасдиқ намуданд, ки дар он ба ихтиёриён (волонтёрҳо, ризокорон) равуои ройгон дар нақлиёти ҷамъиятӣ пешбинӣ шудааст.
Мувофиқи ин тағйироту иловаҳо, барои ин ба ихтиёриён лозим аст, ки танҳо шаҳодатномаи худро пешниҳод намоянд.
Тартиби рӯйпӯш кардани хароҷоти марбут ба он бо санадҳои ҷудогонаи зерқонунии ҳукумати ҷумҳурӣ муайян карда мешавад.
Мувофиқи қонуни дар боло зикршуда, волонтёр – шахси воқеие шуморида мешавад, ки ихтиёран ва бо интихоби озод вақт, кор ва малакаи худро бемузд ва ё ҷуброни хароҷот бевосита ва ё ба воситаи ташкилотҳои ҷалбкунанда ба манфиати ҷомеа пешниҳод менамояд.
Ташкилоти ҷалбкунанда уҳдадор аст бо волонтёр шартнома оид ба фаъолияти волонтёриро банданд, агар ӯна кам аз 20 соат дар як моҳ ба фаъолияти волонтёрӣ машғул бошад.
Шартнома оид ба фаъолияти волонтёрӣ мумкин аст бо риояи талаботи қонунгузории Тоҷикистон бо шахсони ба синни 16 расида низ баста шавад.
Мақомоти ваколатдори давлатӣ шакл ва намунаи дафтарчаи волонтёрӣ ва шаҳодатномаи волонтёриро тасдиқ мекунад.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
