Сарвазири Русия Михаил Мишустин квотаҳоро дар соли 2021 барои ҷалби хориҷиён, ки бар асоси раводид (виза) ба ин кишвар ворид мешаванд, тасдиқ намуд.
Тибқи квота 101 871 корманд бо шуғл фаро гирифта шуда метавонад. Ҷалби аз ҳама зиёдтар – беш аз 31 ҳазор нафар ба корхонаҳои саноати кӯҳкорӣ, ки ба корҳои сохтмону насб ва таъмир машғуланд, ба нақша гирифта шудааст, менависад Парламентская газета.
Барои ҷалби қариб 17 ҳазор корманди хориҷии ҳирфаӣ ба корхонаҳои бузургу хурди саноатӣ ва қариб 12 ҳазор нафар – ба сифати коргарон дар соҳаи коркарди фулузот (металл) ва саноати мошинсозӣ иҷоза шудааст.
Айни замон ҳукумати Русия ба таъмин кардани русиягиҳо бо кор бештар афзалият медиҳад. Ба аввали моҳи октябр 3,63 млн нафар ба сифати бекор дар хадамоти шуғл ба қайд гирифта шудаанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
