Шабакаҳои барқи Душанбе соли гузашта 2,3 млрд кВт/соат нерӯи барқ гирифтаанд, ки 78 млн кВт/соат зиёдтар нисбат ба соли 2019 мебошад, хабар медиҳад шаҳрдории пойтахт.
Беш аз 60% (1,4 млрд кВт/соат) дар ҳаҷми умумии барқи гирифта дар худи шаҳр – марказҳои барқу гармидиҳӣ истеҳсол шудааст. Ҳаҷми барқи дар ин марказҳо истеҳсолшуда нисбат ба соли 2019 ба андозаи 8% зиёдтар аст.
Шабонарӯзӣ пойтахт бо 6,3 млн кВт/соат неруи барқ таъмин мешуд, ки тақрибан ба 10% аз ҳаҷми умумии таъминоти кишвар бо барқ баробар аст.
Талафоти техникии барқ дар шабакаҳои пойтахт чун дар соли 2019 дар ҳаҷми 15,5% арзёбӣ мешаванд.
Соли 2020 маблағи умумии барқи дар пойтахт истеҳсолшуда 678 млн сомонӣ ва пули пардохтшуда барои он – 542 млн сомониро ташкил дод.
Яъне истеъмолгарон ба “Барқи тоҷик” 136 млн сомонӣ қарздор шудаанд, ки ҳудуди 20% аз ҳаҷми умумии барқи истифоашуда дар пойтахтро ташкил медиҳад.
Қарздорони асосӣ истеъмолгарони маишӣ номбар мешаванд, ки ба ҳиссаи онҳо қариб 70% аз қарзи умумӣ дар шаҳр – наздики 95 млн сомонӣ рост меояд.
Дар шаҳрдорӣ қайд мекунанд, ки аҳолии пойтахт ба маблағи 341,5 млн сомонӣ барқ гирифта, танҳо 246,7 млн сомонӣ (72,2%) маблағ пардохт намудааст.
Қаблан дар “Барқи тоҷик” хабар дода буданд, ки аҳолии ҷумҳурӣ ба ҷуз сокинони ВМКБ, бо назардошти бақияи солҳи пешин барои истифодаи барқ зиёда аз 1 млрд сомонӣ қарздор аст.
Дар инфографикаи зер ҳисоб кардем, ки агар ба ҳисоби миёна аз барқ истифода кунем, чӣ қадар маблағ хоҳад шуд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
