Бо фармонҳои президенти Тоҷикистон ва қарорҳои ҳукумати кишвар дар сохторҳои қудратии ҷумҳурӣ як қатор тағйироти кадрӣ сурат гирифт.
Бино ба иттилои хадамоти матбуоти сарвари давлат, Асомуддин Ахмедов аз вазифаи муовини Фармондеҳи Қӯшунҳои сарҳадии КДАМ ҶТ оид ба ақибгоҳ озод гардида, Раҷаб Саодатзода ба ин вазифа таъин гардид.
Дар асоси қарорҳои ҳукумати ҶТ муовини якум ва муовинони раиси Кумитаи ҳолатҳои фавқулодда аз вазифа озод гардида, ба ҷойи онҳо нафарони тоза таъин шудаанд.
Ҳотамшо Латифзода муовини якум, Имомалӣ Иброҳимзода ва Сулаймон Исозода муовинони нави раиси кумитаи ҳолатҳои фавқулода ва мудофиаи шаҳрвандии Тоҷикистон таъин шудаанд.
Дар мувофиқа бо сарвари давлат сардорони шуъбаҳои ВКД дар як қатор шаҳру навоҳии мамлакат аз вазифа озод гардида, дар баъзе аз раёсату шуъбаҳои дастгоҳи марказии Вазорат низ тағйироти кадрӣ сурат гирифтанд.
Дар воҳидҳои сохторӣ ва ҷузъу томҳои Қӯшунҳои сарҳадии КДАМ низ тағйироти кадрӣ сурат гирифта, сардорони Раёсатҳо, қисмҳои низомӣ, гузаргоҳҳои сарҳадӣ ва ҷузъу томҳои он дар шаҳру ноҳияҳои мамлакат таъин шудаанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
