Бозӣ барои дарёфти ҷоизаи Париматч – Суперҷоми Тоҷикистон-2021 рӯзи шанбеи ҳамин ҳафта, 3 апрел доир мегардад. Барои дарёфти он қаҳрамони амалкунандаи футболи Тоҷикистон “Истиқлол”-и Душанбе ва дорандаи Ҷоми миллӣ – дастаи “Равшан”-и Кӯлоб бо ҳам рақобат мекунанд.
Ин бозӣ дар Варзишгоҳи марказии Ҳисор соати 16:00 оғоз мегардад. Даромадан ба бозӣ барои мухлисон бепул аст, хабар медиҳад ФФТ Тоҷикистон.
Бозӣ барои дарёфти Суперҷоми футболи Тоҷикистон маротибаи 12-ум баргузор мешавад. Дастаи “Истиқлол” 9 маротиба соҳиби он шудааст: солҳои 2010, 2011, 2012, 2014, 2015, 2016, 2018, 2019 ва 2020.
Соли 2013 “Равшан”-и Кӯлоб дар майдони худ дастаи “Регар-ТадАЗ”-ро бо ҳисоби 2:2 шикаст дода, ба Суперҷом соҳиб шуд.
Соли 2017 дастаи “Ҳосилот”-и Фархор дар Ҳисор бар тими “Истиқлол” бо ҳисоби 2:1 дастболо шуда, ба дарёфти ин ҷоиза ноил гардид.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
