Субҳи рӯзи 11 май дар мактаби №175-и шаҳри Қазони Русия тирпарронӣ рух дода, як шахси мусаллаҳ вориди мактаб мешавад ва тир мепарронад.
Тибқи маълумоти хабаргузориҳои ТАСС ва “Интерфакс” ҳамлагарон 2 нафар будаанд.
Роҳбари Тотористон Рустам Миннихонв изҳор доштааст, ки яке аз ҳамлагарон – ҷавони 19 сола боздошт шудааст. Ҳамлагари дигарро баъдтар хадамоти махсус нобуд карданд, хабар додаанд ТАСС ва Интерфакс бо истинод ба манбаъҳо, менависад Би-Би-Си.
Президенти Тотористон Рустам Миннихонов аз мактаб боздид намуда, дар бораи 7 нафари ҳалокшуда маълумот додааст.
“Мо 7 кӯдакро талаф додем. Хонандагони синфи 8-ум. Чор писар ва се духтар. Онҳо дар ошёнаи сеюм ҳалок шудаанд”, – гуфтааст ӯ ба рӯзноманигорон.
ИЗОБРАЖЕНИЕ
Кумитаи миллии зиддитеррористӣ низ аз фавти ҳафт нафар кӯдакон хабар додааст.
Баъди чанде дар шаҳрдории Қазон изҳор доштаанд, ки боз як муаллима ҳам аз тирандозӣ ҳалок шудааст ( ҳамагӣ 8 нафар, ки 7-нафарашон ноболиғонанд).
Дар дафтари матбуоти роҳбари Тотористон ба РИА Новости иттилоъ додаанд, ки 7 нафар кӯдаку 1 нафар муаллима ҳалок ва 20 нафар захмӣ шудаанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
