Имрӯз, 24 июн дар баъзе кӯчаҳо ва маҳаллаҳои пойтахт бинобар сабаби корҳои таъмир интиқоли оби нӯшокӣ қатъ шуд, хабар доданд ба “Азия-Плюс” аз КВД “Обу корези Душанбе”.
“Дар робита ба корҳои идомадоштаи таъмир ва ивази қубурҳо, интиқоли оби нӯшокӣ ба кӯчаву маҳаллаҳои Навбаҳор, Конститутсия, Арбобхотун, Меҳнатобод, Афғонҳо, Чортеппа ва қисмате аз кӯчаи Ю. Вафои ноҳияи Сино қатъ шуд”, – гуфтанд дар корхона.
Зимнан зикр шуд, ки интиқоли об ба кӯчаву маҳаллаҳои дар боло зикршуда соати 12:00-и рӯзи 25 июн барқарор мешавад.
Ба саволи хабарнигори “Азия-Плюс” дар бораи чаро пешакӣ огоҳ накардани аҳолӣ аз қатъи интиқоли об посух доданд, ки хабар дар ин бора дар шабакаҳои маҳаллии телевизион пахш шуд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
