Ба муносибати нишасти ҷашнии Созмони ҳамкории Шанхай пойтахти Тоҷикистон ба як гулгаште табдил ёфта, дар шаҳр ҳудуди 7 млн бех гул шинонида шуд.
Барои таҳияи лоиҳаи тарроҳии манзаравӣ бо роҳбарии муовини раиси шаҳри Душанбе Толиб Раҳимзода гурӯҳи махсус таъсис дода шуд. Тавре ба «Азия-Плюс» як манбаъ аз шаҳрдории пойтахт хабар дод, ҳайати ин гурӯҳ аз тарроҳон, меъморон ва гулпарварони шинохтаи тоҷик иборат буд.
Лоиҳаи бо гулҳо зебу ороиш додани пойтахт шахсан аз ҷониби раиси шаҳр Рустами Эмомалӣ тасдиқ шуда буд.
ИЗОБРАЖЕНИЕ
Имрӯз кӯчаву хиёбонҳои шаҳри Душанберо лолаву гули довудӣ (хризантема), бегония, карнайчагул (петуния) ва салвия зебу зинат медиҳанд. Ҳамаи гулҳо дар парваришхонаҳои шаҳр барои шинонидан тайёр шудаанд.
Аз посух ба савол дар бораи аз буҷети шаҳр чӣ миқдор маблағ масраф шудан барои ин корҳо манбаъ худдорӣ варзид.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
